Avertura

Igl Archiv cultural Sumvitg ei aviarts:

– sin damonda ni tenor cunvegnientscha
– sonda, ils 4 da matg 2024 denter las 10 e las 12:00
– sonda, ils 7 da settember 2024 denter las 10 e las 12:00
– 1. da december 2024 di dallas „Portas aviartas“ denter las 13 e las 16:00 cun program special

Archivs culturals ein publics – pia accessibels per mintgin/a!
Sin damonda saveis Vus secapescha visitar da tut temps igl archiv cultural cun secunvegnir
davart in termin. Adressa d’email ni telefon anfleis Vus cul link: CONTACT ni 
ORGANISAZIUN

RESGIA ad Igniu Quella sesurveva cun l’aua dalla Val Sogn Benedetg, numnada leu giufuns la Val Mulinaun. Dadosi schai l’ucliva da Curtins, dadens-si seflanca la Curaua, dadovi el plaun sesanfla l’Ovra da Glera e dadensvi l’acla mentala digl Igniu. Gest pèrsi lai la Via da Surrein cursar. Il cuors-veta digl indrez sez munta in cuoz da silmeins 92 onns e tgunsch biars dapli. Sia carriera per lenn ha entschiet entadem Vaulas sut Pustget Mateias. Anno 1882, cun l’alzada successiva dalla Viavedra gia naven digl Encarden siaden, eis ella daventada «giud via» ed ha pitiu donn. Anno 1890 eis ella vegnida dislocada per empruar la fortuna ad Igniu. Emprem resgiader leu ei stau il proprietari Christoffel Sievi dalla Val Mulinaun. Gl’onn 1930 ha Theodor Schmid da Surrein surpriu il baghetg e funcziun. Anno 1974 ei sia historia vegnida stizzada per adina entras in barschament total. Il davos resgiader dalla resgia giu Igniu, oriunda da Vaulas, ei stau Theodor Schmid (1899–1993) da Surrein. Muort ses 44 onns en funcziun ha el convocau leu il num da dubletta; la RESGIA DIL SCHMED (ord <Schmied> per fravi). Il plaz ei vegnius baghegiaus da niev cun ina garascha e serraria entras il possessur Enrico Deplazes da Laus. Oz ei il baghetg engrondius ed en possess dalla vischnaunca sco luvratori e diever plurivalent. Aviarta resta denton la damonda, con ditg ch’il num historic «giulla RESGIA» po semantener leu senza ina resgia? Tenor Paul Mathias Cathomas „Nies Tratsch“ pag. 431

Cuntegn
UNIUN	ACTIVITADS	ARCHIV CULTURAL	MEDIAS
Intent Statutas Manual d’acziun Organisaziun Protocols Rapports Commembras/ers Finanzas	Excursiuns Exposiziuns Vernissaschas Referats Guidadas Ediziuns	Localitad Avertura e diever Clom Inventarisaziun Register Genealogia Fotos Encurir egl Archiv	Occurrenzas Pressa Radio e televisiun Gallaria