El radio e televisiun

(RG) In archiv cultural per la vischnaunca da Sumvitg L’idea da crear in archiv cultural per la vischnaunca da Sumvitg vegn digl archivari da Tujetsch Tarcisi Hendry. Tujetsch ha gia plans per in tal archiv. Gl’anteriur president da vischnaunca da Sumvitg ed inschigner Walter Deplazes ei Stuss fascinaus dall’idea. In dils scazis diga archiv cultural ein fotografias e films vegls. Plinavon di Walter Deplazes ch’els veglien era rimnar cudischs che tractan fatgs dalla vischnaunca da Sumvitg sco era relaschs privats. Biaras persunas pli passadas han forsa scret poesias u tocs da teater.
Engaschi da commembers Las lavurs per quest archiv vegnan fatgas ton sco pusseivel dils commembers dall’uniun Archiv cultural Sumvitg. Quella vegn fundada ils 31 da schaner; e quei di vegn la populaziun e tut las persunas interessadas informadas da quei project.  La finamira ei da realisar in cudisch da fotografias e far ina exposiziun cun quellas ed auters documents interessants, ed allura era edir publicaziuns sur da l’agricultura u auters fatgs dalla vischnaunca da Sumvitg.
Ina pagina d’internet Impurtant ei era da digitalisar tut ils documents e da crear ina pagina d’internet. Aschia eis ei pusseivel da secolligiar cun auters archivs culturals dil Grischun. Gl’archiv cultural vegn endrizzaus en in local en la casa da scola a Surrein. La vischnaunca duei finanziar quei project che cuosta plirs dieschmellis francs, sco Walter Deplazes di. RTR/hg  TEDLAR